པར་རྒྱག་མཁན།

 མགོན་པོས་བླངས་པའི་ཁྲུང་ཁྲུང་སྐེ་ནག་གི་བརྙན་ཐུང་།

མགོན་པོ་ཚེ་རིང་ལགས་ཀྱི་བརྩམས་ཆོས།

 སྦྲ་ནག་བཟོ་བཞིན་པའི་བརྙན་ཐུང་།

ལྷག་པར་དུ་ཁོར་ཡུག་གི་ཐད་ནས་ས་རྐོ་རྡོ་སློག་དང་གཏོར་བརླག་བྱེད་བཞིན་པ་སོགས་ཟིན་བྲིས་སུ་འགོད་བཞིན་ཡོད་ལ། ཡང་ཁྲུང་ཁྲུང་གི་རིགས་ས་ཆ་གང་དག་ན་ཡོད་པ། དུས་ཚིགས་གང་འདྲ་ཞིག་ལ་སྒོ་ང་གཏོང་བ། དུས་ཚིགས་གང་འདྲ་ཞིག་ལ་ཁྱུ་དང་ཁྱུ་བྱས་ནས་གནས་སྤོར་བ་ཤེས་པ་དང་མཉམ་དུ་སྲུང་སྐྱོབ་བྱེད་དགོས་པ་སོགས་མི་གཞན་ལ་རྒྱུད་སྒྲོག་བྱེད་བསམ་ནས་ཟིན་བྲིས་སུ་བཀོད་པ་ཡིན། འབྲོག་པ་དག་ལ་མཚོན་ན་རྩྭ་རྩི་ཤིང་དང་འབའ་འབུ་སྲོག་ཆགས་སོགས་དང་མཉམ་འདུག་མཉམ་གནས་ཀྱི་འཚོ་བ་རོལ་བཞིན་ཡོད་ལ་དེ་དག་དང་ཁ་འབྲལ་ཐབས་མེད་པའི་རྐྱེན་གྱིས་ལ་ལུང་མང་པོ་ཞིག་བརྒལ་ནས་དེའི་རྒྱུད་རིམ་ཟིན་བྲིས་སུ་འགོད་བཞིན་ཡོད། དེ་ལྟར་ཟིན་བྲིས་སུ་འགོད་དོན་ཡང་མི་རབས་རྗེས་མ་ཚོར་མཁོ་དུས་ཞིག་ལ་བརྙན་དང་པར་གྱི་ལམ་ནས་ཕྱིར་བཟོས་ཆོག་པར་བསམ། བསམ་བློ་དང་ཁ་ཕྱོགས་འདི་འདྲ་ཞིག་ཡིན་ལ། དེའི་ཕྱོགས་ནས་ལས་ཀ་སྒྲུབ་བཞིན་ཡོད་ནའང་འགྲུབ་ཚར་མེད་པའི་རྐྱེན་གྱིས་ལས་ཀ་དེའི་རིགས་ཆ་ཚང་བ་ཞིག་འགྲུབ་པར་བསམ་ནས་དེ་ལ་འབད་པ་བྱེད་བཞིན་ཡོད།

ཁྱེད་རང་བརྗོད་གཞི་ཅི་ཞིག་གི་བརྩམས་ཆོས་བརྙན་ལེན་པར་དགའ་བ་དང་། ད་དུང་ཁྱབས་ཁོངས་དེ་དག་དང་ཁྱད་ཆོས་གང་དག་ནི་རང་ཉིད་ཀྱིས་ཚོད་ལྟ་བྱེད་འདོད་པ་དེ་ཡིན།

ང་རང་ཉིད་འབྲོག་པ་ཞིག་ཡིན་པའི་ངོས་ཐད་ནས་འབྲོག་ལས་གཙོ་བོར་བྱེད་བཞིན་ཡོད་ལ། ཕྱུགས་ཟོག་མང་སོང་ན་རྩྭ་ཐང་ལ་གནོད་པ་ཆེ་བ་དང་། རྩ་བ་ནས་མེད་པར་གྱུར་ན་རྩྭ་ཐང་སྟེང་གི་སྲོག་ཆགས་གཞན་དག་དང་བྱ་བྱིའུ་འབའ་འབུ་གང་ཡིན་ཡང་ཕྱུགས་ཟོག་མེད་ན་འཚོ་དཀའ་བའི་གནས་སུ་གྱུར་ཡོད། ལྷག་པར་དུ་ཁྲུང་ཁྲུང་ལ་མཚོན་ན། རྒྱལ་ཁབ་ཀྱི་སྲུང་སྐྱོབ་བྱེད་པའི་འདབ་ཆགས་ཀྱི་གྲས་ཡིན་པ་དང་། དེའི་སྒོ་ང་འཇོག་ས་ཡང་འབྲོག་པ་དང་འབྲོག་པའི་ཕྱུགས་ཟོག་དང་ཁ་འབྲལ་ཐབས་མེད་པར་ཕན་ཚུན་གཅིག་ལ་གཅིག་བརྟེན་གྱི་མཉམ་དུ་གནས་ཡོད་ལ། འབྲོག་པ་མེད་ན་རང་གི་ཚེ་སྲོག་གི་ཆེད་དང་ཁ་ཟས་ཀྱི་ཆེད་དུ་འདབ་ཆགས་འདི་དག་འཚོ་མི་ཐུབ་པ་སོགས་བྱ་བ་མང་པོ་ཞིག་གི་དབང་གིས་འདི་དག་བརྙན་བླངས་ན་རིན་ཐང་ཡོད་པར་བསམ། འབྲོག་པ་མེད་པར་གྱུར་ན་རྩྭ་ཐང་ཇེ་ཆེར་འགྲོ་བ་དང་བསྟུན་ནས་རི་དྭགས་དང་འདབ་ཆགས་མང་པོ་ཞིག་ཉེན་ཁར་འཕྲད་བཞིན་པའི་བརྗོད་གཞི་འདི་གཙོར་བཟུང་བ་ཡིན།

ང་རང་ཉིད་ཀྱི་བརྙན་ལེན་པའི་ཁྱབས་ཁོངས་ལ་མཚོན་ནས་བཤད་ན་འབྲོག་ས་ཡིན་པ་དང་། ཁོར་ཡུག་རང་དབང་ཡིན་ལ་ངས་འགྲོ་ཞོར་འདུག་ཞོར་དུ་དུས་རྒྱུན་འཚོ་བའི་ཁྲོད་ཀྱི་བྱ་དངོས་མང་པོ་ཞིག་བརྙན་དང་པར་གྱི་ལམ་ནས་ཟིན་བྲིས་སུ་འགོད་བཞིན་ཡོད། བྱ་དངོས་གང་ཞིག་ཡིན་རུང་ལེགས་འགྲུབ་མ་བྱུང་ན་བྱ་དངོས་གཞན་ཞིག་ལ་ཚོད་ལྟ་བྱས་ནས་ཟིན་བྲིས་བཀོད་ཆོག། དེར་དཀའ་ལས་ཡང་མང་པོ་ཞིག་རྒྱག་མི་དགོས་པར་རང་ཉིད་ཀྱི་དུས་ཚོད་ཆུད་ཟོས་སུ་མི་གཏོང་ལ་ལས་ཀར་ཡང་འགོར་འགྱངས་མི་བྱེད་པའི་བྱ་དངོས་མང་པོ་ཞིག་ད་དུང་རང་གི་ཁོར་ཡུག་དུ་ལྷག་ཡོད། དེ་བས་ང་རང་ཉིད་ཀྱིས་བརྙན་དང་པར་གྱི་ལམ་ནས་ད་དུང་ཟིན་བྲིས་མང་པོ་འགོད་པར་ཚོད་ལྟ་བྱེད་བཞིན་ཡོད།

 མགོན་པོ་ཚེ་རིང་ལགས་ཀྱི་བརྩམས་ཆོས།

༢༠༡༨ལོའི་རི་གྲོང་གི་འབྱུང་འགྱུར་ཞེས་པའི་རྒྱལ་སྤྱིའི་དངོས་ཟིན་གློག་བརྙན་གྱི་འགྲེམ་སྟོན་ཁྲོད་བྱ་དགའ་ཐོབ་པ།

བརྙན་སྟེགས་འབྲེལ་གནས།

雪域无添加藏式月饼

点击图片进入小程序了解

▼

点击图片进入小程序了解

▼

托岗高原黑青稞饼

点击图片可进入小程序了解

▼

往期文章

可点击图片阅读

▼

སྣམ་བུ་ཐིག་རིས་གོན་པར་དགའ་བའི་བོད། ▎གསང་བའི་“མིང་རྟགས།”

བོད་ཡུལ་དང་བལ་པོའི་ལོ་ངོ་བརྒྱ་ཡི་ཚོང་དོན་འགྲོ་འོང་གི་ལོ་རྒྱུས།

བོད་ཡུལ་དུ་ཕེབས་པའི་ཉི་ཧོང་པ་ཐོག་མ། - ཁ་ཝ་གུ་ཆི•ཨེ་ཀཻ།

ཡོ་རོབ་གླིང་གི་བོད་བརྒྱུད་ནང་བའི་བསྟན་པའི་ས་ཁུལ།

ཧི་མ་ལ་ཡའི་ལྟེ་སྙིང་དོལ་པོ།

ཀུན་དགའི་ཉེན་མཆོངས་ཟིན་ཐོ། 贡嘎历险记

ཧྥ་རན་སིའི་དཔེ་སྐྲུན་བྱས་པའི་ཧི་མ་ལ་ཡའི་གཏམ་རྒྱུད་ཀྱི་སྒྲུང་དཔེ།

འབྲུག་ཡུལ་ལ་ཡག་ཚོ་པ། རྒྱལ་འཛིན་ལ་ཁའི་དགའ་སྟོན།

གད་སྙིགས་བཏུས་ནས་དམངས་སྲོལ་བཤམས་སྟོན་ཁང་འཛུགས་མཁན།

从未见过的藏地民间收藏 ▎收废品到博物馆开创者

བོད་སྐད་ཀྱི་ཐད་སྦྲེལ། CHARU1607

客服微信：charuspace

未经作者允许请勿随意印刷转载 后果自负

合作及投稿微信：charuspace