渡十娘｜《爱情神话》，上海人为啥叫好声一片
The following article is from 海上梦叠 Author 海上梦叠
做公众号里的《纽约客》
戳蓝字一键关注 渡十娘
转发也是一种肯定
最近上映影片《爱情神话》，呈现了上海街区搭仔老洋房，并且用上海闲话来演绎，让人有得身临其境之感。
笔者随意寻出几句来做简单归个分析：
1.“侬好了，好关脱了。”沪语“关脱”，表示话题结束，勿要再讲下去了，人个嘴巴好比是收音机个开关。生动有趣。而搿搭个“好”，是“可以”个意思。勿是好坏个意思。
2.“嘴巴一揩，跑路呀！”沪语个跑，是走个意思，勿是奔。跑路，具象凸现。
3.“没驐脱过男人”。驐：宋代《广韵》：去畜（触）势。也就是阉割。我看下头个字幕写甩，实际意义是勿一样个。
4.“十三点”。指人个言行举止轻狂。侬哪能介十三啦！邪气形象个。假使用普通闲话，就无法精准个表达。
5.“侬哪能介勿懂经个啦”懂经，沪语。意思大致为时髦。但搿是只可以意会个，假使翻成功普通闲话，却又是讲勿清爽了。
6.“年轻辰光最吃搿一套唻！”吃，是欢喜个意思。但是，假使讲欢喜，远远勿及“吃”，来得有味道。
我还看到、听到勿少人对影片个评价，邪气有意思，收录勒搿搭：
从头到尾正宗上海话，让上海人感到熟悉而亲切，像勒听朋友神侃。有铜钿、又有空闲、男人却是失踪个格洛瑞亚，看上去有眼“十三点兮兮”个，但是，伊邪气真实、大胆，看上去像煞是没心没肺，其实，伊拿世事看得邪气透个。
拍出来个生活怨而不伤，乐而不淫；呒没人哭出乌拉，也呒没人急得乱叫八叫。男人也装个，却是装得勿露声色；女人也作个，却是作得候分掐数……
伊些只有本土上海人再好完全领略个方言魅力，勒影片当中一览无余。“方言电影”个魅力真个是不可小觑，伊个表现力是无可替代个。
由于众所周知个原因，近廿年来，地方语言式微，交关地方个小囡侪讲勿来自家家乡个语言了，搿，对语言个多样性，对地方文化个传承侪是邪气有害个。
五到十五岁，是处勒语言搭仔思维个发展、巩固时期。多拍一眼用地方语言对话个电影、电视剧，对小囡来讲，勒欣赏电影个同时，学会并熟练掌握、运用地方语言，是邪气有益个。
作者及诵读者：丁迪蒙
——————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
你是我的阅读者 我做你的渡十娘
昨日更新：
热文链接：
栏目：
读完请点"在看"让更多人看到
图片 I 网络
整理 I 编辑 I 渡十娘
清单内容来自 I 丁迪蒙
版权归原作者 I 如有侵权 I 请联系删除
生活中
总有些东西值得分享
渡·十·娘
DES
IGN
发现 I 家庭 I 乐趣
想每天与渡十娘亲密接触吗？
喜欢？粉她！
有话想说：
海外：dushiniang999@gmail.com
国内：dushiniang999@126.com